Barbie, nakabili na ng malaking sasakyan
Cash daw nilang nabili ang kanyang bagong van na Toyota Super Grandia.
Umabot sa P1.9M ang kanyang bagong sasakyan. Deserved ni Barbie ang ganyang kamahal na sasakyan dahil sa tuluy-tuloy na trabaho niya.
Bukod nga kasi sa regular show niyang Reel Love Presents Tween Hearts na naka-one year na sa ere, sisimulan na niya ang bagong afternoon drama series na Ikaw Lang Ang Mamahalin with Joshua Dionisio, Joyce Ching and Kristoffer Martin.
Tinatapos niya ang pelikulang The Road under GMA Films na mula sa direksyon ni Yam Laranas. Kasama rito ni Barbie sina Carmina Villarroel, TJ Trinidad, Rhian Ramos, Alden Richards, Lexi Fernandez, Louise de los Reyes at Derrick Monasterio.
Kailangan daw ni Barbie ang malaking sasakyan dahil sa dami ng gamit niya na dinadala niya sa kanyang tapings at shootings. Ang maganda raw sa nabili nilang sasakyan ay may built-in na itong kama sa loob kaya makakapahinga siya at ang parents niya kapag inaabot ng late ang taping at shooting.
Next daw na pag-iipunan ni Barbie ay ang makabili siya ng bagong bahay. Hindi magastos si Barbie at halos lahat ng talent fees niya ay nase-save niya at ang parents niya ang namamahala rito.
Humihingi lang daw siya kapag may gusto siyang bilhin.--Ruel Mendoza
