'Survivor' castaway bitten by snake!
 |
Mahigpit at mukhang effective ang ginagawang pagmo-monitor ng GMA sa mga leak tungkol sa bagong celebrity castaways na kasali sa fourth season ng Survivor Philippines na malapit nang mapanood sa Kapuso Network.
Ang bulong sa amin, itong season ang pinakamahirap ever at hindi lang ang mga castaway ang nahirapan, pati na ang crew ng Survivor.
Bagyo, mga makamandag na hayop at iba pa — present daw ang lahat ng iyon sa pahulaan pa ring location ng SP Season 4.
First time rin daw sa Survivor Philippines na may natuklaw ng ahas.
Hindi pa namin ma-confirm kung sino ang celebrity castaway na natuklaw, pero we were told na ligtas at nakabalik na ito sa location.
Kumpleto naman daw sa gamit ang crew ng programa at mabilis ang naging pag-aksyon ng mga ito. Siyempre alam naman na nila ang kailangan nilang gawin at siguradong top priority ng production ang safety ng castaways sa lahat ng oras.
Super interesting din daw ang mix ng castaways ngayong season.
Heto ang ilan sa mga nasagap naming clues:
Una sa listahan ang magpinsang tisoy na parehong “in a relationship” sa kani-kanilang showbiz girlfriends — ang una ay isang morning show host habang ang isa naman ay isang sexy actress.
Pasok din daw ang Fil-Am host at ang ex nitong sultry singer na ang balak daw sana sa isla ay ayusin ang kanilang estranged romantic partnership.
Mother-and-daughter tandem ang young professional surfer at ang former beauty queen-turned-sexy actress. Dahil daw sa motherly love, pumayag ang former beauty queen na sumali sa Survivor.
Nagbabalik-showbiz naman ang dating magka-loveteam na child stars na ngayon ay pareho nang pamilyado.
Ang tanong: Magbalik din kaya ang matamis nilang pagtitinginan habang nasa isla sila?
Kaabang-abang din daw ang kaseksihan ng next two castaways — isang sexy TV host na nakilala dahil sa nakaaaliw niyang version ng isang pop song at isang sexy dancer na ilang beses nang natsismis na third party sa breakup ng ilang showbiz couples.
Palaban naman ang dalawang basketball muse — ang controversial actress na dating asawa ng isang professional basketball player at ang courtside reporter at radio jock na kilala sa kanyang liberal views.
Pampabawas tension naman daw ang mga nakakatawang hirit ng comic duo na hindi mo aakalaing interesado palang sumali sa Survivor na hino-host pa rin ni Richard Gutierrez.
Internet celebrity noon na naging covergirl na rin ng isang men’s magazine ang sexy actress na absent muna sa kanyang kinabibilangang gag show.
Balitang kasama niya sa isla ang kanyang non-showbiz boyfriend.
Mabuko na kaya sa isla kung totoong apple of the eye ng hunk model na nakilala sa isang fastfood chain commercial ang partner niyang former star search graduate?
Naging controversial naman ang dalawang hunky jocks na ito dahil nag-pose sila para sa isang underwear campaign.
Sa laki raw ng katawan ng mga ito, balitang na-sindak sa kanila ang ilang castaways.
Gets n’yo na kung sinu-sino sila?
