Ikaw Lang ang Mamahalin remake

After ng OB shoot ng Tweenhearts, dumiretso ang loveteam nina Barbie Forteza at Joshua Dionisio, Joyce Ching at Kristoffer Martin sa storycon ng remake ng Ikaw Lang ang Mamahalin na October 10 ang pilot, kapalit ng Sinner or Saint.

Gagampanan ni Barbie ang role na ginampanan ni Angelika dela Cruz, si Joyce sa role ni Sunshine Dizon at si Kristoffer sa role ni Cogie Domingo sa original ILAM.

Hindi namin nakuha ang magiging role ni Joshua.

Kasama sa cast sina Sheryl Cruz, Ehra Madrigal, Matet de Leon, Tanya Garcia, Karla Estrada, Ella Cruz, Maricar de Mesa, Joko Diaz, Ernie Garcia, Shirley Fuentes at Gardo Versoza.

Si Dick Lindayan ang director ng remake ng ILAM.--Nel Alejandrino