Boy Pick-Up hindi mapigilan ang kasikatan

Sa sobrang kasikatan ni Boy Pick-Up (Ogie Alcasid) sa Pick-Up Lines segment ng Bubble Gang, ang daming Pinoy rappers natin ang nagbo-volunteer na mag-guest nang libre para lang makasama nila si Boy Pick-Up.

Pati students ng iba’t ibang unibersidad ng Metro Manila, sumusugod sa GMA at nakikiusap na pati sila, makasama sa Pick-Up Lines at makapagpa-picture kasama si Boy Pick-Up. Sa Biyernes, special guests sina Pekto, Dennis Trillo at Isabelle Daza. Kasama sila sa Habulin N’yo ’Yan gags at Head N Shoulders (John Lloyd-Angel) commercial spoof. Malulukring kayo sa segments na Sopresang Alon at Baka Lang Pwede. Siyempre hindi mawawala ang Cheche Bureche, Moymoy Palaboy (Cartoon-Aqua), Balitang News, Tata Twins at Dan and Serye.