Yasmien, kinalimutan ang tampo kay Jennylyn

Gorgy Rula

Pagkatapos magka­ayos nina Yasmien Kurdi at Baron Geisler kamakalawa nang gabi, naungkat ang isyung hindi pag-witness ni Jennylyn Mercado sa kasong ito.
Kasama si Jennylyn sa SRO Cinemaserye presents Suspetsa (2009) kung saan nangyari ang umano’y pambabastos ni Baron kay Yasmien.
Isa si Jennylyn sa nabanggit ni Yasmien na nakaalam daw sa mga nangyari pero hindi nag-witness dito si Jennylyn.
Hindi na namin maalala kung ano ang nangyari kung bakit hindi nag-participate si Jennylyn, pero naging isyu rin na sumama raw ang loob ni Yasmien sa kaibigan.
Ngayon ay wala na iyun kay Yasmien at matagal na raw niyang kinalimutan iyun.
“Hindi ko na po iniisip iyun dahil alam ko, mas marami pa siyang kasong haharapin. Wala na po iyun, okay po kami ni Jennylyn,” sagot ni Yasmien.
Nagpahabol pa itong huwag na silang intrigahin ni Jennylyn.
Samantala, pursigido si Yasmien sa kanyang pag-aaral ng Nursing sa New Era College.
Tantiya ni Yasmien, mga dalawang taon pa at ga-graduate na siya. Kung makapag-ipon siya, gusto niyang tumuloy sa Medicine.
Tinanggap niya ang guesting sa Amaya dahil semestral break niya ngayon kaya mabuti rin daw na nagtatrabaho siya.
Nag-enjoy si Yasmien sa Amaya dahil okay sila ni Marian Rivera na nakatrabaho na niya noon sa pelikulang Bahay Kubo.