Diether gets first crack at Glaiza's virgin lips
HINDI nakatanggi si Glaiza de Castro nang sabihin ni Direk Quark Henares na may kissing scene siya sa indie film na Rakenrol.
Kaya hindi lang galing sa pag-arte ang ipapakita ni Glaiza sa movie dahil mapapasabak din siya sa kanyang first kissing scene with no less than hunk actor Diether Ocampo.
Walang nagawa si Glaiza kungdi sundin si Direk Quark kahit pa nahihiya siya dahil hindi pa naman siya nagkaka-BF, ’di ba?
Alam din ba ninyong si-nimulan ni Glaiza gawin ang Rakenrol nu’ng 17 years old siya? Napili siya ni Direl Quark sa audition at talagang ipinaglaban ni direk na siya ang gumanap sa role dahil swak siya bilang si Irene, pero after five years pa natapos ang pelikula.
Ngayon, sikat na Kapuso star na si Glaiza via her hit TV soap na Grazilda at kasama rin sa cast ng Amaya. Regular din siyang napapanood sa Sunday musical show ng GMA7 na Party Pilipinas.
Dito nakikita ang galing ni Glaiza sa pagkanta at pagsasayaw kaya hindi nagkamali si Direk Quark na siya ang gawing bida sa Rakenrol kung saan ka-partner din ni Glaiza si Jason Abalos. It also stars Alwyn Uytingco, Ketchup Eusebio, Ramon Bautista, Ricardo Cepeda, Jun Sabayton at Matet de Leon..
After ng preview ng Rakenrol sa Cinemalaya last July, may regular showing na ito sa Sept. 12.
Umani nang papuri sa iba’t ibang film festivals ang Rakenrol bago pa mai-showing sa Pilipinas. Kabilang sa napuntahang festival nito ay ang The Udine Film Festival (Italy) at Asia Pacific Film Festival (Los Angeles). Ang Rakenrol ay produced ng Furball at Reality Entertainment, in cooperation with PostManila.--
